Tugas Berita Pengantar Jurnalistik Versi Bahasa Minangkabau

Singgalang Tujuan Kuliah Lapangan Calon Jurnalis Mudo

            Kuliah indak sajo di kelas taruih, mahasiswa Ilmu Komunikasi BP 15 Universitas Andalas mancubo baraja kalua jo maadoan kuliah lapangan ka Harian Umum Independen Singgalang di Jalan Veteran No. 17 Padang pada hari Senin, 18 April 2016 jam 13:00 WIB sampai salasai.

            Kuliah lapangan ko diajuan jo dosen pengantar jurnalistik Ilmu Komunikasi Universitas Andalas Bapak Dalmenda yang batujuan untuak memperkenalkan sacaro rinci tentang baa jurnalis di dunia media cetak.

            Disitu mahasiswa dicaliakan baa proses pencetakan koran sahinggo inyo sadonyo dapek mancaliak sacaro visual proses pencetakan di media cetak singgalang tersebut. Disitu mahasiswa  diagiah juo  materi oleh Redaktur Singgalang, Bapak Erizal mengenai baa dunia jurnalistik dan apo sajo yang paralu diparatian dalam dunia jurnalistik ko.

            Salasai pambarian materi oleh Bapak Erizal diagiah sesi Tanyo jawab jo pemateri manganai hal yang disampaikan oleh pemateri. Mahasiswa sangaik antusias untuak ikuik berpartisipasi dalam sesi tanyo jawab ko. Salah satu yang batanyo adalah Ninis.

            Ninis batanyo “ Media cetak kini lah mulai berkurang minat pambaconyo karano lah banyak media yang jauh labiah modern seperti media sosial internet yang maagiah berita labiah update jo labiah efektif dari media cetak, jadi baa pendapat Bapak manganai kasus ko?”

            Bapak Erizal menjawab “ Media sosial memang lebih update dan lebih efektif tapi berita nan diupdate jenis beritanyo tu straight news dan media cetak maambiak sudut pandang berbeda dalam mambuek berita, misalnya mambuek berita feature atau berita narrative nan masih bisa diterbitkan sahari, duo hari bahkan sampai saminggu, atau bisa dikatoan indak tergantung waktu seperti berita nan dikaluaan jo media internet.”

            Salasai kuliah umum berlangsung mahasiswa diajak kaliliang maliek kantua jo percetakan singgalang.

            Dalam wawancara ambo jo bapak Erizal beliau bakato, “ Dalam dunia jurnalis ko harus ado sinergi antaro teori jo prakteknyo, dan jo adonyo kunjungan ka media ko manjadi hal positif dimano teori nan didapek di kuliah dapek di caliak aplikasinyo lewat kunjungan media ko”.

            Bapak Erizal juo baharok bahwa jo adonyo kunjungan media ka Singgalang ko dapek maagiah pencerahan dan manjadi rujukan jo apo nan di dapek di kampus.

            Beliau juo manakankan bahwa apo nan bisa dibaok dari hasil kunjungan ke media Singgalang ko adalah samangaik manulis karano inti dari jurnalistik ko adalah manulis.

            Salah ciek mahasiswa nan banamo Enos baharok jo adonyo kegiatan kuliah lapangan ko inyo bisa labiah terpacu dalam manulis untuk berkarya dalam dunia jurnalis jo indak malu atau minder untuak manampilkan karya-karyanyo untuak kamudian harinyo.

Penulis : Annisa Rahma